"Ako si Fernando Calderon, isang miyembro ng San Dionisio Credit Cooperative (SDCC) mula pa noong 2010. Sa loob ng mga taon ng pagiging kasapi, malaki ang naitulong sa akin ng kooperatiba, kaya’t hindi ko ito kailanman malilimutan. Nagsimula ako sa isang simpleng layunin - makabili ng isang tricycle upang makapagsimula ng hanapbuhay. Nang makapag-loan ako ng aking unang tricycle mula sa kooperatiba, hindi ko inakalang magiging daan ito upang mapalago ang aking negosyo. Unti-unti, dumami ang aking mga tricycle - naging dalawa, tatlo at kalaunan, nakapag-pundar ako ng sampung tricycle.

Ang kooperatiba ang naging katuwang ko sa bawat hakbang ng aking pag-unlad. Bukod dito, nakapagpundar din ako ng labing-isang pintong paupahan sa mga lugar ng Sto. Niño at Fortunata. Laking tulong ng Kooperatiba hindi lamang pagpapautang, kundi pati na rin sa mga oportunidad na ibinigay nila upang mag-invest at magtayo ng negosyo. Maraming salamat sa ating kooperatiba. Hanggang ngayon, tinatanaw ko ang malaking utang na loob ko sa kanila. Kung hindi dahil sa kooperatiba, hindi ko mararating ang mga tagumpay na ito."

"Ako si Raquel Austria, isang miyembro ng San Dionisio Credit Cooperative (SDCC) sa loob ng 47 taon. Nagsimula ako sa isang simpleng layunin - makapag-loan para sa pagpapagawa ng paupahan. Nang matanggap ko ang aking unang loan, hindi ko inakalang magiging simula ito ng mas malaking oportunidad para sa akin. Pagkatapos kong mabayaran ang unang loan, nag-loan ulit ako upang magpatayo ng karagdagang mga paupahan. Hanggang sa dumami ang mga ito at isa sa mga paupahan ko ay naging tatlong palapag na.

Hindi lang sa negosyo ako tinulungan ng kooperatiba. Dahil sa mga loan na aking natamo mula sa Kooperatiba, nagkaroon kami ng kakayahang makabili ng sasakyan, na naging malaking tulong sa aming araw-araw na pamumuhay at negosyo. Sa totoo lang, marami talagang naitulong ang San Dionisio Credit Cooperative sa amin. Ang kooperatiba ang naging sandigan ko upang matupad ang aking mga pangarap, at wala akong ibang masasabi kundi ang labis na pasasalamat. Maraming salamat, San Dionisio Credit Cooperative, sa inyong walang sawang suporta!"

"Ako si Imelda Hilario, isang miyembro ng San Dionisio Credit Cooperative (SDCC) sa loob ng 10 taon. Nagsimula ako sa isang simpleng layunin: matutong mag-save at mag-invest. Tinuruan ako ng Kooperatiba kung paano mag-budget at maglaan para sa aking mga pangangailangan at pangarap. Sa una, kumuha ako ng maliit na loan at inilagay ito sa aking savings. Pagkatapos, nagloan ulit ako at itinuloy ang pag-iipon hanggang sa makapag-ipon ako nang malaki. Inilagay ko ang mga naipon ko sa time deposit upang ito’y magbigay pa ng karagdagang kita.

Sa tulong ng kooperatiba, unti-unti kong napalaki ang aking ipon at nakapagpatayo ng 31 pintong paupahan. Maraming salamat sa San Dionisio Credit Cooperative. Kung hindi dahil sa Kooperatiba, siguro hanggang ngayon, dalawa lang ang paupahan ko, at ang mga iyon pa ang katas ng aking pag-abroad. Maraming salamat sa inyong walang sawang suporta at sa pagtulong sa mga pangarap ko!"

"Ako si Marilyn Asequia, isang bagong kasapi ng San Dionisio Credit Cooperative (SDCC). Nagsimula akong magduda nang inalok ako ng Kooperatiba ng loan. Sa panahon ngayon, marami nang pekeng nagpapautang at scams, kaya’t nagkaroon ako ng takot at pangamba. Ngunit nang makuha ko ang aking unang loan mula sa SDCC at binigyan nila ako ng passbook, doon ko napagtanto na totoo at tapat ang Kooperatiba.

Tinangkilik ko ang microloan na inaalok ng SDCC, at sa kanilang tulong, napanatili at napaunlad ko ang aking maliit na gulayan na dati ay nasa sidewalk lamang. Ngayon, may dalawa na akong pwesto ng gulayan na patuloy na lumalago. Bilang isang regular na miyembro ng SDCC, tinulungan nila ako upang makapagpundar ng isang barbershop. Maraming salamat sa San Dionisio Credit Cooperative. Hindi ko alam kung paano ko maaabot ang mga pangarap ko kung wala ang SDCC."

"Ako si Rosa Santos, isang kasapi ng San Dionisio Credit Cooperative (SDCC) sa loob ng 21 taon. Malaking tulong sa amin ang Kooperatiba dahil sa kanilang suporta, napagpatapos namin ng pag-aaral ang aming anak sa isang pribadong paaralan. Isa itong tagumpay na hindi magiging posible kung wala ang tulong mula sa kooperatiba. Ngunit dumating ang pandemya, at tulad ng karamihan sa atin, nahirapan kaming makapagtrabaho dahil sa mahigpit na mga restrictions. Hindi kami pinapayagang lumabas ng bahay, kaya’t ang aming mga kabuhayan ay naapektuhan. Subalit, sa kabila ng mga pagsubok na dulot ng pandemya, nakatagpo kami ng solusyon sa tulong ng Value Chain Distribution (VCD).

Sa pamamagitan ng VCD, nagkaroon ako ng pagkakataon na kumita. Ang VCD ay naghatid ng mga order ko, kabilang na ang mga groceries at bigas, diretso sa aming bahay. Hindi lang ito nakatulong sa aming pang araw-araw na pangangailangan, kundi mas malaking tulong pa ang pagbibigay nila ng palugit na isang buwan para makabayad. Lubos ang aming pasasalamat sa SDCC at sa VCD dahil sa kanilang walang sawang suporta at pagtulong sa amin sa mga panahong iyon."

"Ako po si Marilou Caranto, isang kasapi ng San Dionisio Credit Cooperative (SDCC) sa loob ng 14 taon. Sa mga taon ng pagiging miyembro ng kooperatiba, masasabi ko na napakalaki ng naitulong nila sa aming pamilya, lalo na sa aspeto ng edukasyon at pangkabuhayan. Isa sa pinakamahalagang benepisyo na natamo namin mula sa SDCC ay ang tulong sa pagpapaaral ng aking mga anak. Dahil sa kanilang mga loan programs at mga benepisyo, naging posible ang pagpapaaral ng aking mga anak. Malaki rin ang naitulong ng SDCC sa pagpapabuti ng aming kalagayan sa bahay. Dati, isang palapag lang ang aming tahanan, ngunit ngayon ay nakapagpagawa na kami ng tatlong palapag, na naging malaking kaginhawahan sa amin.

Bukod pa rito, nakapagpatayo kami ng maliit na tindahan na naging karagdagang pagkakakitaan. Ang puhunan na nakuha ko mula sa SDCC ay nagbigay daan sa amin upang magkaroon ng negosyo na makakatulong sa aming pang-araw-araw na pangangailangan. Sa kasalukuyan, mayroon na rin po kaming sariling sasakyan, na naging malaking tulong sa amin, lalo na kapag kami ay uuwi sa probinsya. Hindi na kami nahihirapan sa pagbiyahe, at nagiging mas maginhawa ang aming mga paglalakbay. Maraming salamat sa San Dionisio Credit Cooperative. Dahil sa inyo, nagkaroon kami ng mas maginhawang buhay at mga oportunidad na hindi namin akalain na magiging posible."

"Ako si Rosalinda Demafelis, isang kasapi ng San Dionisio Credit Cooperative (SDCC) sa loob ng 22 taon. Isa sa mga pinakamalaking tulong na natamo namin mula sa kooperatiba ay ang pagbibigay sa amin ng oportunidad upang mapagawa ang aming bahay. Sa tulong ng SDCC, napabuti namin ang aming tirahan, at makapagpatayo kami ng limang pintong paupahan. Sa totoo lang, noong una, natatakot akong umutang sa SDCC. Takot ako na baka maging delingkwente at mawalan ako ng kredibilidad sa kooperatiba. Ayaw namin na masira ang aming pangalan sa SDCC, dahil napakahalaga sa amin ang kanilang tiwala. Alam namin na ang pagiging responsable sa pagbabayad ay isang malaking bahagi ng pagiging kasapi, at gusto naming manatiling kagalang-galang sa kooperatiba. Kahit na kami ay mag-asawa na at medyo senior na, lubos ang aming pasasalamat sa SDCC dahil patuloy pa rin nilang ipinagkakatiwala ang mga oportunidad sa amin. Maraming salamat sa San Dionisio Credit Cooperative. Ang inyong patuloy na suporta at tiwala ay malaking bahagi ng aming pag-unlad at tagumpay."

"Ako si Lydia Del Rosario, isang kasapi ng San Dionisio Credit Cooperative (SDCC) sa loob ng 13 taon. Malaking tulong ang kooperatiba sa aming pamilya dahil sa kanilang suporta, nagkaroon kami ng pagkakataon na mapagawa ang aming bahay. Hindi lang sa pagpapagawa ng bahay kami tinulungan, kundi pati na rin sa aking hanapbuhay. Sa tulong ng SDCC, naging collector ako ng kooperatiba, isang trabaho na hindi lang nagbigay sa akin ng karagdagang kita kundi nagbukas din ng mas maraming oportunidad para sa amin.

Ngayon, mayroon na kaming sari-sari store, at ito rin ay dahil sa tulong ng SDCC. Nagpapasalamat din ako sa Coop NATCCO Partylist dahil isa ako sa mga napili upang makatanggap ng ayuda at mapasama sa programang TUPAD. Ang mga ganitong oportunidad ay malaking tulong sa amin, lalo na sa mga panahong may pangangailangan. Ang SDCC ay hindi lamang isang kooperatiba, ito rin ay isang samahan na laging handang magbigay ng tulong sa mga miyembro. Kapag kami ay may problema, andiyan sila upang magbigay ng payo at gabay kung ano ang dapat gawin. Laging may malasakit ang kooperatiba sa bawat isa sa amin, kaya’t lubos ang aming pasasalamat sa kanilang patuloy na suporta."

"Ako si Carmen Guevarra, isang kasapi ng San Dionisio Credit Cooperative (SDCC) sa loob ng 51 taon. Dalawang beses kaming nasunugan, at sa kabila ng mga pagsubok na ito, ang San Dionisio Credit Cooperative lang ang aking tinanaw na pag-asa. Sa tulong nila, nakapag-loan ako at nagamit ang pondo upang maayos ang aming bahay. Napakalaking tulong nito sa amin dahil mula sa pagkawasak ng aming tahanan, nagkaroon kami ng pagkakataon na makapag simula muli. Nang malaman ko na may mga loan programs ang SDCC, nagdesisyon akong gamitin ang susunod kong loan upang palaguin ang aming negosyo sa bulungan. Naging malaking hakbang ito para sa amin, at nagbigay ng mas maraming oportunidad upang mapalago ang aming kabuhayan.

Malaki ang pasasalamat ko sa San Dionisio Credit Cooperative, hindi lang dahil sa kanilang mabilis na prosesong loan at magaan na paghuhulog, kundi dahil sa patuloy nilang pag-aalaga sa mga kasapi. Bukod pa rito, natulungan din kami ng SDCC na makabili ng bahay at lupa sa Las Piñas, isang pangarap na naging posible dahil sa kooperatiba. Sa lahat ng ito, walang katumbas ang aming pasasalamat sa San Dionisio Credit Cooperative. Sila ay naging katuwang namin sa bawat hakbang ng aming pag-unlad, at kami ay patuloy na umaasa sa kanilang mga serbisyo at suporta."

"Ako si Francisca Dellosa, kasapi ng San Dionisio Credit Cooperative (SDCC) sa loob ng 27 taon. Malaki ang naitulong ng kooperatiba sa aming pamilya, lalo na noong mga panahong nagpapa-aral kami ng aming mga anak. Nag-avail kami ng educational loan mula sa SDCC, at dahil sa tulong na iyon, nakapagtapos ang aming mga anak. Isang malaking bagay ito sa amin, dahil bilang isang empleyado lamang, hindi sapat ang aming kita upang makapagpaaral ng tatlong college students nang sabay-sabay. Kaya’t tunay na malaking tulong ang kooperatiba sa pag-abot ng aming mga pangarap.

Bukod sa pagpapaaral ng mga anak, malaki rin ang naging kontribusyon ng SDCC sa pagpapalago ng aming negosyo. Nang mag-renew kami ng loan, ginamit namin ang pondo upang makabili ng maraming sasakyan na ginagamit sa aming transport service. Sa tulong ng kooperatiba, lumago ang aming negosyo, at hanggang ngayon, patuloy pa rin ang SDCC sa pagbibigay ng suporta sa amin. Kami ay humihiram mula sa kooperatiba upang magkaroon ng sapat na working capital para sa aming negosyo. Maraming salamat sa San Dionisio Credit Cooperative. Sa inyong patuloy na suporta, naging posible ang mga bagay na akala namin ay mahirap abutin."

"Ako si Nancy Pagador, kasapi ng San Dionisio Credit Cooperative (SDCC) sa loob ng 27 taon. Malaki ang naitulong ng kooperatiba sa amin sa iba't ibang aspeto ng buhay. Isa na rito ang pagkakaroon namin ng walong pintong paupahan, na naging posible dahil sa pag-utang sa SDCC. Ang mga paupahang ito ay nagsilbing isang malaking pinagkukunan ng kita para sa aming pamilya. Isa pang malaking tulong mula sa SDCC ay ang pagkakaroon namin ng brand-new na L300 na sasakyan. Ang downpayment para dito ay inutang namin sa SDCC, at dahil dito, naging mas madali ang aming operasyon sa negosyo.

Hindi lang sa negosyo kami tinulungan ng SDCC, kundi pati na rin sa pagpapaganda ng aming tahanan. Ang bahay namin ay ipinarenovate sa tulong ng SDCC, kaya't naging mas magaan at komportable ang aming pamumuhay. Bukod dito, nakatulong din ang SDCC sa pag-aaaral ng aming mga anak. Sa pamamagitan ng kanilang mga loan programs, natulungan kami sa pagbabayad sa kanilang tuition fees at iba pang gastusin sa paaralan. Ang SDCC ay naging katuwang namin sa pagbuo ng magandang kinabukasan para sa aming pamilya. Maraming salamat sa San Dionisio Credit Cooperative."